PM Modi : आता 10 दिवसांनी दिवाळी म्हणून…. नवी मुंबईत PM मोदींची मराठीतून भाषणाची सुरुवात

पंतप्रधान नरेंद्र मोदी यांनी नुकतेच नवी मुंबई आंतरराष्ट्रीय विमानतळ आणि मुंबईतील भूमिगत मेट्रोचे उद्घाटन केले. याप्रसंगी बोलताना त्यांनी आपल्या भाषणाची सुरूवात मराठीतून केली आणि म्हणाले, मुंबईकरांचे अनेक वर्षांचे स्वप्न पूर्ण झाल्याचे नमूद केले. हे नवीन विमानतळ या क्षेत्राला आशियातील सर्वात मोठे कनेक्टिव्हिटी हब बनविण्यात महत्त्वपूर्ण भूमिका बजावेल, असे पंतप्रधान म्हणाले. याच कार्यक्रमात मुंबईला मिळालेल्या भूमिगत मेट्रोमुळे प्रवास अधिक सुकर होईल आणि वेळेची बचत होईल. ही मेट्रो विकसित होत असलेल्या भारताचे प्रतीक आहे. पंतप्रधानांनी या प्रकल्पांसाठी काम केलेल्या कामगार आणि अभियंत्यांचे कौतुक केले.

पंतप्रधान मोदींनी युवकांसाठी उपलब्ध असलेल्या संधींवरही भर दिला. त्यांनी पीएम सेतू योजनेचा उल्लेख केला, ज्या अंतर्गत आयटीआयला उद्योगांशी जोडण्यासाठी ६० हजार कोटी रुपये खर्च केले जातील. महाराष्ट्र सरकारने ड्रोन, रोबोटिक्स, इलेक्ट्रिक वाहन आणि ग्रीन हायड्रोजन यांसारख्या नवीन तंत्रज्ञानाचे प्रशिक्षण देण्यासाठी आयटीआय आणि तांत्रिक शाळांमध्ये नवीन कार्यक्रम सुरू केल्याची माहिती त्यांनी दिली. यावेळी पंतप्रधानांनी लोकनेता दि. बी. पाटील यांच्या समाज आणि शेतकऱ्यांसाठी केलेल्या कार्याचे स्मरण केले, ज्यातून सर्वांना प्रेरणा मिळते. विकसित भारताच्या संकल्पनेवर भर देत, त्यांनी गती आणि प्रगती या दोन्ही गोष्टी देशहितासाठी कशा आवश्यक आहेत हे सांगितले.