Pahalgam Attack : 9 तारखेच्या आतच पाकचं काम होणार तमाम? पाकिस्तानला PM मोदींचा मोठा इशारा काय?

पंतप्रधान नरेंद्र मोदींनी पहलगामच्या दहशतवादी हल्ल्यावरून पुन्हा एकदा बदला घेण्याचा इरादा बोलून दाखवला. दहशतवादी आणि दहशतवादांना पोसणाऱ्यांवर कडक कारवाई होणार म्हणून पाकिस्तानचे साफ शब्दात त्यांनी कान गरम केले. मोदींनी तिन्ही दलाच्या आर्मी प्रमुखांसोबत तीन वेळा बैठका घेतल्या. आर्मीला मोदींनी फ्री हँड ही दिला आहे आणि त्यांनाच कशा प्रकारे कारवाई करायची हे ठरवण्याचाही अधिकार दिला आहे. त्यासोबतच मोदीं पाठोपाठ आता संरक्षणमंत्री राजनाथ सिंह यांनीही आपला रशिया दौरा रद्द केला.

9 मे रोजी रशियाचा विजय दिवस कार्यक्रम आहे. पंतप्रधान मोदींनी पहलगाम हल्ल्याच्या पार्श्वभूमीवर रशियाचा हा दौरा रद्द केला. मोदींच्या ऐवजी त्या ठिकाणी संरक्षणमंत्री राजनाथ सिंह हे रशियाला जाणार होते पण त्यांनीही आता हा दौरा रद्द केला. आता भारताकडून संरक्षण राज्यमंत्री संजय सेठ हे रशियाला विजय दिवस कार्यक्रमात सहभागी होण्यासाठी जाणार आहेत. त्यामुळे 9 तारखेच्या आधीच पाकिस्तानी दहशतवादी आणि त्यांच्या आकाचा खात्मा होऊन मोठ काहीतरी होणार असे संकेत आहेत.

हल्ला होणार म्हणून पाकिस्तान प्रचंड घाबरलेला आहे. पाकिस्तान संयुक्त राष्ट्रांच्या सुरक्षा परिषदे समोर हात जोडण्याची तयारीही केलीये. तसच भारताच्या जवळचा असलेला सौदी अरेबिया समोर सुद्धा हात पसरले. दरम्यान पाकिस्तान नेमकं का घाबरला आहे त्याची कारण म्हणजे पंतप्रधान मोदी राजनाथ सिंह आणि अमित शहा हे बदला घेणार हे वारंवार सांगताहेत. पण पाकिस्तानात हल्ला कसा असेल कोणती कारवाई असेल यावर थेट बोलत नाहीयेत.