जंग में जानेवाले घोडे, बारात में नही नाचते! प्रतिभा धानोरकरांच्या स्टेटसची चर्चा

प्रतिभा धानोरकर यांनी समाजमाध्यमांवर एक स्टेटस पोस्ट करत वडेट्टीवारांवर नाव न घेता निशाणा साधला आहे. “युद्धात जाणारे घोडे वरातीत नाचत नाहीत” अशा आशयाचे हे स्टेटस चंद्रपूरमधील राजकीय वर्तुळात चर्चेचा विषय बनले आहे. हे स्टेटस वडेट्टीवार यांच्या गटासंदर्भात चंद्रपूर महानगरपालिकेत सुरू असलेल्या अंतर्गत संघर्षातून ठेवण्यात आल्याचे बोलले जात आहे.

यावर प्रतिक्रिया देताना वडेट्टीवार यांनी अशा स्टेटसना महत्त्व नसल्याचे स्पष्ट केले आहे. ते म्हणाले, “बिना परिश्रमांनी, फक्त मोबाईल हातात ठेवून ज्यांना स्टेटस ठेवायचे असेल, त्यांना कोणी महत्त्व देण्याची गरज नाही.” त्यांच्या या विधानाने धानोरकर यांच्या स्टेटसचा थेट संदर्भ नाकारला आहे. चंद्रपूर महानगरपालिकेतील सत्तासंघर्षाचे पडसाद आता समाजमाध्यमांवरही उमटत असल्याचे या घटनेतून दिसून येत आहे, जिथे दोन्ही बाजूंकडून अप्रत्यक्षपणे एकमेकांवर टीका केली जात आहे.