कॅसेट गुळगुळीत झाली! प्रवीण दरेकर यांचा विरोधी पक्षावर हल्ला

प्रवीण दरेकर यांनी विरोधी पक्षावर जोरदार टीका करताना त्यांची “कॅसेट गुळगुळीत झाली” असल्याचे म्हटले आहे. देवेंद्र फडणवीस राज्याला विकसित करण्याच्या दिशेने मोठे प्रयत्न करत असून, त्यांच्या या कामगिरीचे कौतुक केले पाहिजे, असे दरेकर यांनी नमूद केले. विरोधी पक्षाने सरकारला काही सूचना असतील तर त्या सकारात्मकपणे कराव्यात, असे ते म्हणाले. मात्र, विरोधी पक्ष पूर्णपणे हतबल झाला असून, हरलेल्या मानसिकतेमध्ये ईव्हीएम आणि दुबार मतदानासारखे मुद्दे उपस्थित करून संभ्रम निर्माण करत आहे, असा आरोप त्यांनी केला. उद्धव ठाकरे यांच्या उपमुख्यमंत्री पदावरील टीकेला प्रत्युत्तर देताना, दरेकर यांनी विधिमंडळाच्या कामकाजाचे आकलन आणि सभागृहातील उपस्थितीवर प्रश्नचिन्ह निर्माण केले. विरोधी पक्षाने केवळ टोमणे मारण्याऐवजी आवश्यक संख्याबळ मिळवण्यासाठी प्रयत्न करावेत, असे आवाहन दरेकर यांनी केले. जनतेच्या प्रश्नांवर सभागृहात रचनात्मक सूचना करण्याऐवजी “नवटंकी”चे राजकारण करू नये, असा सल्लाही त्यांनी दिला.