…म्हणून नसरापूर प्रकरणातील आरोपीनं मोबाईल वापरणं बंद केलं होतं, आरोपीचा काळा इतिहास समोर

पुण्याच्या भोर तालुक्यातील नसरापूर गावात नराधमाने चिमुकलीवर लैंगिक अत्याचार करून तिची हत्या केल्याची घटना समोर आली. आरोपीने दगडाने ठेचून चिमुकलीला ठार मारलं, इतकेच नाही तर नंतर शेणाच्या ढिगाऱ्याखाली लपवलं. ही घटना इतकी किळसवाणी होती की अंगावर काटा येईल. या घटनेनंतर सर्वत्र खळबळ उडाली असून आरोपीला कठोरातील कठोर शिक्षा करावी, अशी मागणी केली जात आहे. दरम्यान, आरोपीचा काळा इतिहास सगळ्यांसमोर आला आहे.

आरोपी याआधीही दोन आरोपांमधून निर्दोष सुटला होता. यावेळी त्याची ओळख मोबाईलमुळे पटली असावी, तेव्हापासून त्याने मोबाईल वापरणं बंद केलं होतं. या प्रकरणात त्याची ओळख करणं खूप कठीण होतं. मात्र, सीसीटीव्ही फुटेजमुळे त्याचे काळे कारनामे समोर आले होते. त्याच्या स्वतःच्या कुटुंबीयांनीही त्याला ठेचून मारण्याची मागणी केली आहे.