Jain Boarding Controversy: जैन बोर्डिंगवरून धंगेकर अन् मोहोळ यांच्यात वाद पेटला, जैन मुनींनी कोणाला झापलं?

पुण्यातील जैन बोर्डिंग जमीन व्यवहार प्रकरणावरून खासदार मुरलीधर मोहोळ आणि आमदार रवींद्र धंगेकर यांच्यातील राजकीय वाद तीव्र झाला आहे. धंगेकर यांनी मोहोळ महापौर असताना बडेकर बिल्डरची गाडी वापरल्याचा व्हिडिओ ट्वीट करत आरोप केले. बडेकर बिल्डरची कंपनी मोहोळ यांची भागीदार असल्याचा आणि जैन हॉस्टेलच्या निविदेत त्यांचा सहभाग असल्याचा धंगेकर यांचा दावा आहे. यावर मोहोळ यांनी, स्वतःच्या खर्चाने गाडी वापरल्याचे आणि निवडणूक प्रतिज्ञापत्रात भागीदारी जाहीर केल्याचे सांगितले.

मोहोळ यांनी धंगेकर यांच्यावर कोथरूडमधील जमीन बळकावल्याचा आणि वक्फ बोर्डाच्या प्रकरणात गुन्हे दाखल असल्याचा प्रति-आरोप केला आहे. या प्रकरणावरून जैन मुनींनी ट्रस्टींवर संताप व्यक्त करत, १ तारखेपर्यंत जमीन व्यवहार रद्द न झाल्यास देशव्यापी आंदोलनाचा इशारा दिला आहे. धर्मादाय आयुक्तांकडूनही जैन बोर्डिंग जागेवर मंदिराच्या अस्तित्वाची पाहणी सुरू आहे. या वादामुळे महायुतीतील पक्षांमध्येही तणाव निर्माण झाला असून भाजपने धंगेकरांवर कारवाईची मागणी केली आहे.