Maharashtra Elections 2026 Results : पुण्यात भाजप अजित पवारांना व्हाईट वॉश देण्याच्या तयारीत
महाराष्ट्र निवडणूक 2026 च्या निकालानुसार, पुण्यात भाजप अजित पवारांना निर्णायक पराभव देण्याच्या तयारीत आहे, तर राष्ट्रवादी केवळ 8 जागांवर मर्यादित दिसत आहे. मुंबईत महायुती 130 जागांवर आघाडीवर असून, ठाकरेंच्या शिवसेनेने 72 जागांवर आघाडी घेतली आहे. मतमोजणी अजूनही सुरू असून, हे प्राथमिक कल समोर आले आहेत.
महाराष्ट्र निवडणूक 2026 च्या निकालाचे प्राथमिक कल समोर येत असून, यामध्ये महायुतीला सर्वाधिक जागा मिळण्याचा अंदाज व्यक्त करण्यात आला आहे. मुंबई आणि पुणे या दोन्ही महत्त्वाच्या शहरांमधील स्थिती स्पष्ट होत आहे.
मुंबई महानगरपालिकेच्या निवडणुकीत भाजप आणि शिंदे गटाच्या महायुतीने एकत्रितपणे 130 जागांवर आघाडी घेतली आहे. तर उद्धव ठाकरे यांच्या शिवसेनेने 72 जागांवर आघाडी मिळवली आहे. मुंबईतील प्रभाग क्रमांक 169 मध्ये ठाकरेंच्या शिवसेनेच्या प्रविणा मोरजकर आघाडीवर असल्याची माहिती मिळाली आहे. मतमोजणीच्या अनेक फेऱ्या अजूनही सुरू आहेत.
दुसरीकडे, पुण्यामध्ये भाजप अजित पवार यांच्या राष्ट्रवादी काँग्रेसला पूर्णपणे व्हाईट वॉश देण्याच्या तयारीत असल्याचे चित्र आहे. एकेकाळी पुण्यात सत्ताधारी असलेला राष्ट्रवादी काँग्रेस पक्ष सध्या केवळ 8 जागांवर आघाडीवर आहे, म्हणजेच त्यांना दुहेरी आकडाही गाठता आलेला नाही. राष्ट्रवादीच्या स्थापनेपासून पुण्यात त्यांची अशी दयनीय अवस्था होण्याची ही पहिलीच वेळ असल्याचे समोर आले आहे.
पुण्यात भाजप अजित पवारांना व्हाईट वॉश देण्याच्या तयारीत!
शरद पवारांच्या NCP ला मोठा धक्का, 'या' महापालिकेत भोपळाही फोडला नाही
संभाजीनगरच्या प्रभाग 29 मधून सिद्धांत शिरसाट विजयी
मुंबईत भाजपला धक्का, प्रभाग 111 मध्ये सारिका पवार यांचा पराभव
