Pune -Nashik | पुणे-नाशिक महामार्गावर भीषण अपघात; भरधाव कारची दुचाकीला धडक, अंगावर काटा आणणारा व्हिडीओ समोर

पुणे-नाशिक महामार्गावरील जुन्नर तालुक्यात एक भीषण अपघात घडल्याची घटना समोर आली आहे. भरधाव वेगाने येणाऱ्या एका कारने प्रथम दुचाकीला जोरदार धडक दिली आणि त्यानंतर नियंत्रण सुटल्याने दुसऱ्या कारलाही धडक दिली. मिळालेल्या माहितीनुसार, हा अपघात अत्यंत वेगात झाल्याने परिसरात काही काळ गोंधळाचे वातावरण निर्माण झाले होते. अपघातानंतर घटनास्थळी नागरिकांनी मोठी गर्दी केली.

दरम्यान, या संपूर्ण घटनेचा थरारक सीसीटीव्ही फुटेज समोर आला असून त्यामध्ये भरधाव कारने दुचाकीला दिलेली धडक आणि त्यानंतर दुसऱ्या कारला ठोकरल्याचे स्पष्टपणे दिसत आहे. सुदैवाने या अपघातात कोणतीही जीवितहानी झाली नसून संबंधित वाहनांतील प्रवासी आणि दुचाकीस्वार थोडक्यात बचावले आहेत. मात्र अपघातामुळे वाहनांचे नुकसान झाले असून परिसरात काही काळ वाहतूक विस्कळीत झाली होती. घटनेची माहिती मिळताच स्थानिक पोलिसांनी घटनास्थळी धाव घेत परिस्थिती नियंत्रणात आणली.