पूजा खेडकरच्या घरी कारवाई; पोलिसांच्या अंगावर सोडले कुत्रे!

पुणे पोलीसांनी पूजा खेडकर यांच्या बाणेर येथील निवासस्थानी धाड टाकली. ही कारवाई नवीन मुंबईतील अपघाताप्रकरणी करण्यात आली आहे. या अपघातात दिलीप खेडकर यांची गाडी सामील होती. त्यानंतर ट्रकचालकाच्या हेल्परचे अपहरण करण्यात आल्याचा आणि त्याला मारहाण केल्याचा आरोप दिलीप आणि मनोरमा खेडकर यांच्यावर आहे. खेडकर कुटुंबाने पोलिस तपासास सहकार्य न केल्याने पोलीस त्यांच्या घरी दाखल झाले. पोलिसांनी बंगल्याची तपासणी केली आणि दिलीप आणि मनोरमा खेडकर यांचा शोध घेतला. पूजा खेडकर यांच्यावरही यूपीएससी परीक्षेत बनावट कागदपत्रांचा वापर केल्याचा आरोप आहे.