Rahul Gandhi on Amit Shah | अमित शाह तोंड लपवत आहेत; ते विद्यार्थ्यांचे गुन्हेगार – राहुल गांधींचा थेट हल्ला!

लोकसभेतील विरोधी पक्षनेते राहुल गांधी यांनी केंद्रीय गृहमंत्री अमित शाह यांच्यावर गंभीर निशाणा साधला आहे. संसदेतील अमित शाह यांच्या अनुपस्थितीवरून टीका करत राहुल गांधी म्हणाले की, “अमित शाह तोंड लपवत आहेत, कारण ते विद्यार्थ्यांचे गुन्हेगार आहेत.” त्यांच्या या वक्तव्यामुळे संसदेसह देशाच्या राजकारणात नवा वाद निर्माण झाला आहे.

राहुल गांधी यांनी सोशल मीडिया प्लॅटफॉर्म X वरही यासंदर्भात पोस्ट करत अमित शाह यांच्यावर थेट आरोप केले. NEET आणि विद्यार्थ्यांशी संबंधित मुद्द्यांवर सरकारची भूमिका प्रश्नचिन्हाखाली असल्याचा आरोप त्यांनी केला. तसेच, विद्यार्थ्यांच्या प्रश्नांवर उत्तर देण्याऐवजी अमित शाह संसदेत उपस्थित राहत नसल्याचा दावा त्यांनी केला.

दरम्यान, विरोधी पक्षांकडूनही अमित शाह यांच्या संसदेतील गैरहजेरीचा मुद्दा सातत्याने उपस्थित केला जात असून, या प्रश्नावरून संसदेत गदारोळ सुरू आहे. राहुल गांधी यांच्या ताज्या वक्तव्यामुळे सत्ताधारी आणि विरोधकांमधील राजकीय संघर्ष आणखी तीव्र होण्याची चिन्हे दिसत असून, यावर भाजपकडून काय प्रतिक्रिया येते, याकडे सर्वांचे लक्ष लागले आहे.