राज ठाकरेंचा सत्ताधारी आमदारांवर निशाणा! म्हणाले…

राज ठाकरे यांनी गोरेगाव येथील मनसेच्या मेळाव्यातून सत्ताधारी पक्षावर आणि निवडणूक आयोगावर जोरदार टीका केली आहे. महाराष्ट्रातील एका सत्ताधारी आमदाराने आपल्या निवडणुकीसाठी २० हजार मतदार बाहेरून आणल्याचे जाहीरपणे सांगितले, असा आरोप राज ठाकरे यांनी केला. पैठणचे आमदार विलास भुमरे यांच्या भाषणाचा संदर्भ देत राज ठाकरे यांनी हा दावा केला. भुमरे यांनी व्यासपीठावर हे विधान केल्याचे, मात्र नंतर शिंदे यांच्या इशाऱ्यानंतर त्यांनी सारवासारव करत स्थलांतरित मतदारांना आणल्याचे म्हटले, असे राज ठाकरे यांनी सांगितले.

राज ठाकरे यांनी निवडणूक आयोगाच्या कार्यक्षमतेवर प्रश्नचिन्ह उपस्थित केले. ज्याप्रकारे हे आमदार बेधडकपणे असे दावे करत आहेत, ते महाराष्ट्रातील मतदारांचा अपमान असल्याचे ते म्हणाले. त्यांनी नरेंद्र मोदींच्या गुजरातचे मुख्यमंत्री असतानाच्या वक्तव्याचा उल्लेख करत, निवडणूक आयोगाने कोणत्याही सत्ताधारी पक्षाचा गुलाम नसावे, असे आवाहन केले. राज ठाकरे यांनी इतरही तीन आमदारांचे (सतीश चव्हाण, संजय गायकवाड, मंदा म्हात्रे) असेच व्हिडिओ दाखवणार असल्याचे सांगितले.