Ramdas Kadam : मी पक्षाची बाजू मांडली, इतर नेते… रामदास कदमांनी एकनाथ शिंदेंकडे नाराजी व्यक्त केली

ऑडिओ क्लिप प्रकरणी पक्षाची बाजू इतर नेत्यांनी प्रखरतेने मांडली नाही, अशी खंत ज्येष्ठ नेते रामदास कदम यांनी उपमुख्यमंत्री एकनाथ शिंदे यांच्याकडे व्यक्त केली आहे. सूत्रांनी दिलेल्या माहितीनुसार, कदम यांनी शिंदे यांच्याशी फोनवरून संवाद साधत आपली नाराजी बोलून दाखवली.

रामदास कदम यांनी एकनाथ शिंदे यांना सांगितले की, ज्या पद्धतीने मी पक्षाची बाजू मांडली, तशी कोणत्याही नेत्याने मांडली नाही. पक्षाची जी भक्कम बाजू आहे, ती सर्व नेत्यांनी आणि मंत्र्यांनी एकत्र मांडणे गरजेचे आहे. अशी भावना त्यांनी या संवादात व्यक्त केली. या प्रकरणी एसआयटी (विशेष तपास पथक) स्थापन करण्यात आली असून, चौकशी सुरू झाली आहे. चौकशी अंती काय निष्कर्श निघतो, हे पाहणे महत्त्वाचे ठरेल. कथित ऑडिओ क्लिप प्रकरणावरून शिवसेनेत आता नवा वाद निर्माण होण्याची शक्यता वर्तवली जात आहे.