Ravindra Dhangekar : धंगेकर काही शांत बसेनात… आता भाजपचा तिसरा नेता रडारवर, केले खळबळजनक आरोप
रवींद्र धंगेकरांनी भाजप आमदार हेमंत रासनेंवर पुण्याच्या लोकमान्य नगरमधील स्वयंपुनर्विकास प्रकल्पाला स्थगिती आणल्याचा गंभीर आरोप केला आहे. रहिवाशांना न्याय मिळावा यासाठी धंगेकरांनी मुख्यमंत्र्यांना पत्र दिले असून, लवकरच आंदोलन करण्याचा इशाराही दिला आहे. हा तिसरा भाजप नेता धंगेकरांच्या रडारवर आला आहे.
पुण्यातील लोकमान्य नगरमधील स्वयंपुनर्विकास प्रकल्पाला स्थगिती मिळाल्याने राजकीय वर्तुळात खळबळ उडाली आहे. काँग्रेस नेते रवींद्र धंगेकर यांनी भाजप आमदार हेमंत रासने यांच्यावर या प्रकल्पाला स्टे आणल्याचा आरोप केला आहे. धंगेकरांच्या रडारवर आलेले रासने हे तिसरे भाजप नेते आहेत.
रवींद्र धंगेकरांनी म्हटले आहे की, लोकमान्य नगरमधील रहिवाशांनी घराचे स्वप्न पाहिले होते आणि एकत्र येऊन त्यांनी बांधकाम सुरू केले होते. म्हाडाने काही नियम शिथिल केल्याने हा प्रकल्प मार्गी लागत होता. मात्र, आमदार हेमंत रासने यांनी देवेंद्र फडणवीस यांच्याकडे जाऊन या प्रकल्पाला स्थगिती मिळवली, असा आरोप धंगेकरांनी केला आहे. रहिवाशांच्या भावना विचारात घेतल्या नाहीत, तसेच त्यांच्याशी चर्चाही केली नाही, असे धंगेकर म्हणाले.
धंगेकरांनी या प्रकरणी मुख्यमंत्र्यांना पत्र दिले असून, रहिवाशांना न्याय देण्याची मागणी केली आहे. तसेच, उपमुख्यमंत्र्यांकडेही हा विषय मांडल्याचे त्यांनी स्पष्ट केले. यावर तोडगा न निघाल्यास आंदोलन करण्याचा इशाराही धंगेकरांनी दिला आहे.
महायुतीतील मतभेद दूर, आगामी निवडणुका एकत्र लढणार! बघा कोण काय म्हणालं?
राणीच्या बागेतील दोन्ही वाघांचा मृत्यू, कारण लपवण्याचं कारण काय?
'अडीच वर्षाचा स्पीड ब्रेकर सोडला, तर गेल्या 11 वर्षात प्रगतीचं...'
पुतीन यांची भारताला मोठी ग्वाही अन् रशिया-भारत करारांवर दिला भर
