Pakistan Army : पाकड्यांची मस्ती काय उतरेना… सामान्य वेषात अन् पठाणी सूटमध्ये LOC वर रेकी, फोटो आला समोर

पहलगामच्या बैसरन खोऱ्यात दहशतवाद्यांनी मंगळवारी (२२ एप्रिल २०२५) हल्ला केला होता. या हल्ल्यात २८ निष्पाप लोकांना आपला जीव गमवावा लागला होता. या हल्ल्यानंतर भारताकडून पाकिस्तानविरोधात अनेक निर्णय घेण्यात आल्याचे पाहायला मिळाले. भारताने सिंधू जल करार स्थगित केला, अटारी-वाघा सीमा बंद केली. पाकिस्तानी नागरिकांसाठी व्हिसा सेवा निलंबित करून आणि पाकिस्तानी संरक्षण अधिकाऱ्यांना भारत सोडून जाण्यास सांगितले. असे असतानाही पाकिस्तानची मस्ती काही जिरली नसल्याचे दिसतंय. कारण पाकिस्तानी लष्कराच्या सैनिकांकडून LOC नियंत्रण रेषेवर रेकी केली जात आहे. LOC रेकी करत असताना पाकिस्तानी लष्कराचं सैन्य हे सामान्य वेशाष असल्याचे पाहायला मिळाले. तर पाकिस्तानी लष्कराच्या सैन्यातील काही जवानांनी पठाणी सूट देखील घातल्याचा एक फोटो समोर आला आहे. तर सामान्य वेषात अन् पठाणी सूटमध्ये पाकिस्तानी सैनिकांकडून LOC वर रेकी करण्यात आल्याची माहिती सूत्रांकडून मिळत आहे.