ब्युटी पार्लरचं बिल पक्षाच्या अकाऊंटमधून? रोहित पवारांचा रोख कोणाकडे? कोणाची केली पोलखोल?

रोहित पवारांनी राष्ट्रवादी काँग्रेस पक्षातील चार नेत्यांवर गंभीर आरोप केले आहेत. या नेत्यांनी अजित पवार यांना त्रास दिल्याचे आणि पक्षाच्या निधीचा गैरवापर केल्याचे त्यांचे म्हणणे आहे. रोहित पवारांनी कोणाचेही थेट नाव घेतले नसले तरी, त्यांचा रोख प्रफुल्ल पटेल, सुनील तटकरे, धनंजय मुंडे आणि छगन भुजबळ यांच्याकडे होता. एका नेत्याने ब्युटी पार्लरचे बिल पक्षाच्या अकाऊंटमधून दिले, असाही आरोप त्यांनी केला आहे.

राष्ट्रवादीच्या मेळाव्यात जय पवार आणि प्रफुल्ल पटेल यांच्यातील एका व्हायरल व्हिडिओचा संदर्भ देत, रोहित पवारांनी नेत्यांच्या वर्तनावर प्रश्नचिन्ह उपस्थित केले. तसेच, अजित पवारांच्या निधनानंतर पक्षावर ताबा मिळवण्याचा प्रयत्न केला जात असल्याचा दावाही त्यांनी केला. या आरोपांना राष्ट्रवादीचे आमदार सुनील शेळके यांनी प्रत्युत्तर दिले आहे. सुनील शेळके यांनी रोहित पवारांना त्यांचे आरोप थांबवण्याचा इशारा दिला असून, त्यांना नक्की काय साध्य करायचे आहे, असा प्रश्न विचारला आहे.