चक्क डोनाल्ड ट्रम्प यांच्या नावाचं आधार कार्ड अन्..; रोहित पवारांचे गंभीर आरोप

राष्ट्रवादी काँग्रेसचे आमदार रोहित पवार यांनी पत्रकार परिषदेत बोलताना मतदार याद्यांमध्ये मोठ्या प्रमाणात घोळ झाल्याचा गंभीर आरोप केला आहे. त्यांनी डोनाल्ड ट्रम्प यांच्या कथित आधार कार्डचे उदाहरण देत, अनेक नको असलेल्या व्यक्तींनी याच प्रकारे बोगस आधार कार्ड व मतदार ओळखपत्र बनवले असल्याचा दावा केला. विधानसभा निवडणुकीनंतर मतदारांची संख्या लक्षणीय वाढल्याबद्दल त्यांनी प्रश्नचिन्ह उपस्थित केले.

पवारांनी सांगितले की, राशीन येथील डोनाल्ड तात्या नावाचे एक मतदार कसे तयार झाले, ज्यांनी खोट्या घराचा नंबर, चुकीची लिंगनोंदणी (मेलचे फिमेल) आणि बनावट बंगला पत्ता वापरला. या प्रकरणांमध्ये कोणतेही क्रॉस व्हेरिफिकेशन होत नाही, तसेच आधार कार्ड नंबर सुद्धा डुप्लिकेट झाल्याचे निदर्शनास आले आहे. अशा परिस्थितीत अधिकारी डोळेझाक करून मतदान करून घेतात, असा आरोप रोहित पवारांनी केला. डिजिटल मतदार याद्या उपलब्ध करून देण्याची आणि बीएलओच्या नोंदींची चौकशी करण्याची मागणी त्यांनी यावेळी केली.