“गोपीचंद पडळकर यांनी ‘त्या’बाबत थेट निवडणूक आयोगाशीच चर्चा करावी!”, रोहित पवारांचा सल्ला

नाविद पठाण, प्रतिनिधी, बारामती : राष्ट्रवादीचे आमदार रोहित पवार यांनी भाजपचे विधानपरिषदेचे आमदार गोपीचंद पडळकर (Gopichand Padalkar) यांच्यावर मिश्किल टिप्पणी केली आहे. राष्ट्रवादी आणि काँग्रेसच्या चिन्हाबाबत गोपीचंद पडळकर यांनी थेट निवडणूक आयोगाशीच चर्चा करावी!, असं रोहित म्हणाले आहेत. राष्ट्रवादी आणि काँग्रेस या दोन्ही पक्षांनी एकत्र यावं आणि त्यांना ठिणगी हे चिन्ह द्यावं, असं गोपीचंद पडळकर यांनी म्हटलं होतं. त्यावर रोहित पवारांनी (Rohit Pawar) उत्तर दिलं आहे.