Rohit Pawar On MPSC Pepar Leak | पेपर फोडून अधिकारी पैसे खातात, पण विद्यार्थ्यांच्या भविष्याचं काय? रोहित पवारांचा MPSC व्यवस्थेवर संताप

MPSC पेपरफुटीविरोधात विद्यार्थ्यांचा आक्रोश तीव्र होत असून, आमदार रोहित पवार यांनी या आंदोलनाला पाठिंबा दिला आहे. विद्यार्थ्यांच्या मागण्या तात्काळ पूर्ण झाल्या पाहिजेत, अशी भूमिका त्यांनी घेतली आहे. स्वायत्त संस्थांमध्ये स्वच्छ प्रतिमेचे आणि पारदर्शक व्यवहार करणारे अधिकारी असणे अत्यंत महत्त्वाचे आहे, असे मत पवार यांनी व्यक्त केले.

सध्या सुरू असलेल्या आंदोलनात मोठ्या संख्येने विद्यार्थी सहभागी झाले आहेत. त्यांची संख्या सातत्याने वाढत असून, ते सरकार आणि संबंधित अध्यक्षांचा निषेध करत आहेत. पेपरफुटीमुळे गरीब विद्यार्थ्यांच्या भवितव्यावर संकट आले आहे. या घटनांमुळे नफाखोरी वाढत असून, पैसा खाण्याचे प्रकार सुरू आहेत. मात्र, या सगळ्यामध्ये प्रामाणिक विद्यार्थ्यांचे भविष्य धोक्यात येत आहे, असे आंदोलकांचे म्हणणे आहे.

रोहित पवार यांनी आंदोलनस्थळी उपस्थित राहून विद्यार्थ्यांच्या मागण्या ऐकून घेतल्या. MPSC प्रक्रियेत पूर्णपणे पारदर्शकता यावी, अशी त्यांची आणि विद्यार्थ्यांची प्रमुख मागणी आहे. सरकारने या गंभीर समस्येकडे दुर्लक्ष न करता विद्यार्थ्यांच्या हितासाठी योग्य पाऊले उचलावीत, अशी अपेक्षा व्यक्त केली जात आहे.