Pune Protest : चाकणकरांकडून महिला भगिनीचं चारित्र्यहनन… रूपाली ठोंबरेंचं आंदोलन, केली राजीनाम्याची मागणी

पुण्यामध्ये रुपाली ठोंबरे यांच्या नेतृत्वाखाली रुपाली चाकणकर यांच्या विरोधात आंदोलन सुरू आहे. रुपाली ठोंबरे यांनी रुपाली चाकणकर यांच्या राजीनाम्याची मागणी केली आहे. चाकणकर यांनी महिला भगिनींचे चारित्र्यहनन केले असल्याचा आरोप ठोंबरे यांनी केला आहे. या आंदोलनात रुपाली चाकणकर यांच्या फोटोला मेकअप करून जोडे मारण्यात आले, तसेच त्यांच्या विरोधात जोरदार घोषणाबाजी करण्यात आली.

रुपाली ठोंबरे यांच्या झाशीच्या राणी प्रतिष्ठानच्या माध्यमातून हे आंदोलन करण्यात आले. यामध्ये अनेक महिला भगिनी सहभागी झाल्या होत्या. महिला राज्य आयोगाच्या अध्यक्षांकडूनच महिलांचे चारित्र्यहनन होत असल्यामुळे समाजात संताप व्यक्त होत असल्याचे ठोंबरे यांनी नमूद केले. राष्ट्रवादी काँग्रेस पक्षाचे प्रदेशाध्यक्ष सुनील तटकरे यांनी रुपाली चाकणकर यांच्या राजीनाम्याबाबत निर्णय घ्यावा, अशी मागणी यावेळी करण्यात आली. तटकरे निर्णय का घेत नाहीत, यावरही प्रश्नचिन्ह उपस्थित करण्यात आले.