भंडाऱ्याच्या साखोली मतदारसंघात दुबार मतदार? tv9 मराठीचा रिॲलिटी चेक

भंडाऱ्याच्या साकोली विधानसभा मतदारसंघात दुबार मतदारांच्या मुद्द्यावरून राजकीय वर्तुळात चर्चा सुरू आहे. भाजप नेते आशिष शेलार यांनी पत्रकार परिषद घेऊन नाना पटोले यांच्या मतदारसंघात 477 मुस्लिम मतदार दुबार असल्याची तक्रार केली होती. या आरोपांच्या पार्श्वभूमीवर टीव्ही 9 मराठीने साकोलीत जाऊन वस्तुस्थिती तपासली.

टीव्ही 9 च्या पथकाने ज्या मतदाराचे नाव शेलार यांनी घेतले होते, त्यांची भेट घेतली. अझहर शब्बीर शेख नामक या मतदाराने स्पष्ट केले की, त्यांची दोन नावे मतदार यादीत असली तरी त्यांनी केवळ एकच मतदान केले आहे. जुन्या निवडणूक ओळखपत्रावरील नाव निवडणूक आयोगाने हटवले नाही, तर नवीन ओळखपत्राद्वारे त्यांनी मतदान केले. “दोन मतं नाही दिली, माझं एकच मत आहे,” असे सांगत त्यांनी ही निवडणूक आयोगाची चूक असल्याचे म्हटले. यामुळे मतदार यादीतील त्रुटींवर प्रकाश टाकण्यात आला आहे. शाहीद पठाण यांनी भंडारा येथून ही बातमी दिली.