Sambhajinagar : जेवणखावण, वेणीफणी..; कुटुंबांनी जिल्हाधिकारी कार्यालयासमोरच थाटले संसार

छत्रपती संभाजीनागर मधील हर्सुल भागात असलेल्या गट क्रमांक 216 आणि 217 मधील अतिक्रमण महापालिकेने तोडक कारवाई करून काढलं आहे. त्यानंतर या ठिकाणच्या नागरिकांनी संताप व्यक्त केला आहे. आमचं घर पडल्यावर आम्ही कुठे जायचं? असा प्रश्न उपस्थित करत आज या नागरिकांनी संभाजीनागर जिल्हाधीकारी कार्यालयासमोर कुटुंबासह ठिय्या मांडला आहे. या ठिकाणी या सर्व कुटुंबांनी आपला संसार मांडून येथेच स्वयंपाक करत जेवण देखील केलं आहे. या प्रकारे आंदोलन करून या कुटुंबांनी शहरातील नागरिकांचं देखील लक्ष वेधून घेतलं. मात्र आता यावर प्रशासन काय निर्णय घेईल हे पाहाणं महत्वाचं ठरेल.