एक बोकड हैदराबादहून, तर दुसरं..; संग्राम जगतापांची जलील आणि ओवैसींवर टीका

महाराष्ट्र राज्यातील राजकीय वर्तुळात सध्या शाब्दिक युद्धाची भर पडली आहे. आमदार संग्राम जगताप यांनी ए.एम.आय.एम.चे नेते जलील आणि ओवैसी यांच्यावर जोरदार पलटवार केला आहे. जलील यांनी नितेश राणे आणि जगताप यांच्यावर चिकणी चमेली अशी टीका केली होती. या टीकेला उत्तर देताना, जगताप यांनी जलील आणि ओवैसी यांच्या वक्तव्यांना एक बोकड हैदराबादहून, तर एक बोकड छत्रपती संभाजीनगरहून आलं होतं अशी उपमा दिली.

अहिल्यानगरमध्ये एम.आय.एम.च्या नेत्यांची सभा झाली होती. या सभेत केलेल्या वक्तव्यांवरून हा वाद सुरू झाला. जगताप यांनी त्यांच्या भाषणात, “आपल्या शहरात एक चिकणी चमेली आली आहे, असं ते बोलायचे,” अशा शब्दांत जलील यांच्या पूर्वीच्या टीकेचा संदर्भ दिला. त्यांनी जलील आणि ओवैसींच्या वक्तव्याला महत्त्व देत नसल्याचे म्हटले. जगताप यांनी त्यांच्या वक्तव्यांची खिल्ली उडवताना, “ती बोकडं येतात आणि काहीतरी बडबड करतात, त्यांना वाटतं आपण बोललंच पाहिजे, नाही बोललं तर आपल्यालाही लोकं विचारायचे नाहीत,” असे म्हटले. या राजकीय प्रतिवादाने राज्याच्या राजकारणात नवा विषय चर्चेला आला आहे.