आदित्य ठाकरेंची भूमिका योग्य होती! संजय राऊतांनी स्पष्टच सांगितलं

संजय राऊत यांनी नुकत्याच झालेल्या राजकीय घडामोडींवर भाष्य केले. शरद पवारांना राज्यसभेवर पाठवण्याचा निर्णय महाविकास आघाडीने सर्वानुमते घेतल्याचे त्यांनी सांगितले. आदित्य ठाकरेंची भूमिका संख्याबळानुसार शिवसेना सर्वात मोठा पक्ष असल्याने त्यांनी ती जागा लढवावी, ही योग्यच होती असे राऊत यांनी नमूद केले. मात्र, शरद पवारांचे राजकारण आणि समाजकारणातील स्थान लक्षात घेऊन त्यांना राज्यसभेवर पाठवण्याचा निर्णय तिन्ही पक्षांनी एकमताने घेतला.

यावेळी राष्ट्रवादी काँग्रेसच्या संभाव्य विलीनीकरणाच्या चर्चांवरही राऊत यांनी भाष्य केले. त्यांच्या मते, विलीनीकरणाच्या या सर्व चर्चा दंतकथा असून त्यातून काही निष्पन्न होणार नाही. ही दंतकथा आता संपली आहे. महाविकास आघाडीचे तिन्ही पक्ष यापुढे एकत्र येऊन काम करतील आणि त्यांची त्यासाठी मानसिक तयारी असल्याचे राऊत यांनी सांगितले. जनतेने विरोधी पक्षाला जी जबाबदारी दिली आहे, ती योग्य पद्धतीने पार पाडण्यावर भर दिला जाईल असेही ते म्हणाले.