Sanjay Raut : 500 कोटींच्या आरोपांवर भाजप गप्प का? संजय राऊतांचा थेट सवाल; अमित शहा, फडणवीस अन् शिंदेंना काय दिलं आव्हान

महाविकास आघाडीच्या नेत्यांवर विविध तपास यंत्रणांकडून कारवाई होत असताना, मनोज जरांगे पाटील यांनी केलेल्या ५०० कोटी रुपयांच्या आरोपांवर भाजप मौन का बाळगून आहे, असा सवाल शिवसेना (उद्धव बाळासाहेब ठाकरे) नेते संजय राऊत यांनी उपस्थित केला आहे. जरांगे पाटील खोटे बोलत असतील तर भाजपने ते स्पष्ट करावे, असे आव्हान राऊत यांनी दिले.

राऊत यांच्या मते, मनोज जरांगे पाटील यांचे आंदोलन थांबवण्यासाठी श्रीकांत शिंदेंना ५०० कोटी रुपये देण्यात आल्याचा आरोप भाजपच्याच काही पात्रांनी केला आहे. या नाट्यातील सर्व पात्रे भाजपचीच असल्याचा दावा राऊत यांनी केला. ५०० कोटी रुपये कुणाला दिले, कशासाठी दिले आणि त्याचे काय झाले, याबाबत अमित शहा, देवेंद्र फडणवीस आणि एकनाथ शिंदे यांनी उत्तर द्यावे अशी त्यांची मागणी आहे.

जर या नेत्यांना प्रश्न पडत नसेल, तर ईडी आणि सीबीआयला हा प्रश्न पडायला हवा, असे राऊत यांनी ठामपणे सांगितले. २९ लाखांच्या स्त्रीबीज प्रकरणात धाडी टाकणाऱ्या ईडीला ५०० कोटींचा विषय दिसत नाही का, असा सवाल करत त्यांनी तपास यंत्रणांच्या पक्षपाती भूमिकेवर तीव्र नाराजी व्यक्त केली.