Shinde VS Raut : इलेक्शन जीतकर हम होंगे असली धुरंधर… शिंदेंच्या टीकेवर राऊतांचं प्रत्युत्तर, रहमान डकैत कोण? हे….

मुंबईतील आगामी महानगरपालिका निवडणुकांच्या पार्श्वभूमीवर राजकीय घडामोडींना वेग आला आहे. ठाकरे बंधू (उद्धव ठाकरे आणि राज ठाकरे) यांच्या संभाव्य युतीची चर्चा सुरू असून, येत्या काही दिवसांत याबाबत घोषणा होण्याची शक्यता संजय राऊत यांनी व्यक्त केली आहे. राज ठाकरे यांची भेट घेऊन लवकरच युतीवर शिक्कामोर्तब होईल, असे संकेत राऊतांनी दिले. मुख्यमंत्री देवेंद्र फडणवीस यांनी मात्र, ठाकरे बंधू एकत्र आले तरी महायुतीच जिंकेल असा विश्वास व्यक्त केला आहे. याच दरम्यान, संजय राऊत यांनी रहमान डकैत कोण? या प्रश्नावरून एकनाथ शिंदे यांच्यावर तीव्र शाब्दिक हल्ला चढवला. एकनाथ शिंदेंनी केलेल्या टीकेला उत्तर देताना राऊत म्हणाले की, मुंबईच्या तिजोरीला वेटोळे घालून घोटाळे करणारे रहमान डकैत कोण आहेत हे सर्वांना माहीत आहे. मुंबईला कराचीतील लॅरी शहर बनवणारे आणि अमित शहांच्या घशात मुंबई घालू इच्छिणाऱ्यांना महाराष्ट्र ओळखतो, असे राऊत यांनी म्हटले.