ज्ञानेश कुमार यांच्यामागचा बॉस कोण? संजय राऊतांनी सरळ नावचं सांगून टाकलं

शिवसेना (उद्धव बाळासाहेब ठाकरे) नेते संजय राऊत यांनी निवडणूक आयुक्त ज्ञानेश कुमार यांच्या कार्यपद्धतीवर गंभीर प्रश्नचिन्ह उपस्थित केले आहे. ज्ञानेश कुमार हे निष्पक्षपणे काम करत नसून, सरकारचा एजंट म्हणून काम करत असल्याचा आरोप राऊत यांनी केला. बिहार, पश्चिम बंगाल आणि महाराष्ट्रातील निवडणुकांमध्ये भारतीय जनता पक्षाला ज्ञानेश कुमार यांच्यामुळेच यश मिळाल्याचा दावा राऊत यांनी केला. यामुळे, शिवसेना पक्षप्रमुख उद्धव ठाकरे, राष्ट्रीय जनता दलाचे नेते तेजस्वी यादव आणि तृणमूल काँग्रेसच्या प्रमुख ममता बॅनर्जी यांनी या तीन राज्यांतील निवडणुका पुन्हा घेण्याची मागणी केली आहे, असेही राऊत यांनी नमूद केले.

राऊत यांनी ज्ञानेश कुमार यांना देशाचा शत्रू क्रमांक एक आणि माफिया संबोधले. ते म्हणाले की, केंद्रीय गृहमंत्री अमित शाह हे ज्ञानेश कुमारचे बॉस आहेत आणि देशाचा निवडणूक आयोग गृह मंत्रालयाच्या अंतर्गत काम करत आहे. निवडणूक आयोग म्हणजे लोकशाहीचा कत्तलखाना बनला असून, ज्ञानेश कुमार यांना त्यांच्या पदावर राहण्याचा नैतिक अधिकार नाही, अशी तीव्र टीका राऊत यांनी केली.