Santosh Dhuri In BJP : कट्टर मनसैनिक संतोष धुरी भाजपात, उद्धव ठाकरेंसमोर मनसे सरेंडर, ठाकरेंवर थेट हल्ला

मुंबईच्या राजकारणात मोठी घडामोड समोर आली आहे. राज ठाकरे यांचे निकटवर्तीय मानले जाणारे संतोष धुरी यांनी महाराष्ट्र नवनिर्माण सेनेला रामराम ठोकत भारतीय जनता पक्षात प्रवेश केला आहे. भाजपमध्ये दाखल होताच धुरींनी ठाकरे बंधूंवर गंभीर आरोप केले. राज ठाकरेंनी उद्धव ठाकरेंसमोर पक्षाला सरेंडर केल्याचा घणाघात त्यांनी केला. मुंबई महानगरपालिकेच्या आगामी निवडणुकीसाठी शिवसेनेसोबत (उद्धव बाळासाहेब ठाकरे गट) झालेल्या संभाव्य युतीमुळे जागावाटपावरून मनसेमध्ये नाराजी पसरली होती. धुरींच्या मते, त्यांना हवी असलेली वॉर्ड क्रमांक १९४ ही जागा उद्धव ठाकरेंच्या शिवसेनेला देण्यात आल्याने ते नाराज होते. या पक्षबदलामुळे मनसेमधील अंतर्गत खदखद चव्हाट्यावर आली असून, भाजपला मुंबईत आणखी एक मजबूत चेहरा मिळाला आहे. धुरींनी मुख्यमंत्री देवेंद्र फडणवीस यांची भेट घेतल्यानंतर दुसऱ्याच दिवशी भाजपमध्ये प्रवेश केला.