Santosh Pandit Case | संतोष पंडितांना मोठा धक्का! 21 तारखेपर्यंत न्यायालयीन कोठडी

महत्त्वाची बातमी समोर आली आहे. चंद्रकांत पाटलांवर केलेल्या टीकेप्रकरणी संतोष पंडित यांना अटक करण्यात आली होती, त्यांना आता 21 तारखेपर्यंत न्यायालयीन कोठडी सुनावण्यात आली आहे. संतोष पंडित यांनी चंद्रकांत पाटलांवर रिल्स बनवून सोशल मीडियावर टीका केली होती.

या टीकेनंतर एका महिलेने पोलिसांकडे तक्रार दाखल केली होती. त्या तक्रारीच्या आधारे पोलिसांनी संतोष पंडित यांना अटक केली होती. अटकेनंतर त्यांना न्यायालयात हजर करण्यात आले होते, जिथे न्यायालयाने त्यांना 21 तारखेपर्यंत न्यायालयीन कोठडीत पाठवण्याचा आदेश दिला आहे.

याचबरोबर, पालघर रिलीफ हॉस्पिटलमधील मारहाण प्रकरणात आरोपी राहुल घरतची पोलीस कोठडी दोन दिवसांनी वाढवण्यात आली आहे. काल त्याला एक दिवसाची पोलीस कोठडी मिळाली होती, परंतु आज पुन्हा न्यायालयात हजर केले असता, त्याची कोठडी दोन दिवसांनी वाढवण्यात आली आहे.