Satara Case: छळ सोसेना अखेर औषधं प्यायलो अन्.. सुसाईड नोटमध्ये निंबाळकरांचं नाव, अखेर मुलीचा तो VIDEO समोर

सातारा जिल्ह्यातील एका तरुणीचा काही दिवसांपूर्वीचा रुग्णालयातील व्हिडिओ जारी करत गंभीर आरोप केले आहेत. आत्महत्येचा प्रयत्न केलेल्या या तरुणीने रणजीतसिंह नाईक निंबाळकर यांना कस्टडीत घेण्याची मागणी केली आहे. तिच्या सुसाईड नोटमध्ये निंबाळकरांसह काही अन्य लोकांचाही उल्लेख असल्याची माहिती समोर आली आहे. या तरुणीच्या वडिलांना ९ ऑगस्ट २०२२ रोजी अटक करण्यात आली होती. त्यानंतर ८ नोव्हेंबरला कुटुंबाने आत्महत्येचा प्रयत्न केल्याचे तिने सांगितले. कारण ९ नोव्हेंबरला त्यांच्या घराची जप्ती होणार होती. त्यांच्या म्हणण्यानुसार, चार गुंठे जमीन तारण असताना १३ गुंठे जागा तारण घेण्यात आली होती.

रणजीतसिंह नाईक निंबाळकर यांच्या कार्यकर्त्यांनी, ज्यात जगदीश कदम यांचा समावेश आहे, घरी येऊन धमक्या दिल्याचा आरोपही तरुणीने केला आहे. वडील गेली तीन वर्षे तुरुंगात असल्याने कुटुंबाला खूप त्रास होत असल्याचे तिने म्हटले आहे. प्रत्येक पोलीस स्टेशनमध्ये निंबाळकर यांचे पीए सुरेश राजेश शिंदे आणि रोहित नाकतिळे उपस्थित असतात, त्यामुळे निष्पक्ष चौकशी होत नसल्याचा दावा तिने केला आहे. तिने निंबाळकर यांची चौकशी करण्याची मागणी केली आहे.