…म्हणून संजय राऊत यांनी श्रीकांत शिंदे यांच्यावर आरोप केलेत; शंभूराज देसाई यांचा पलटवार

मुंबई : काही दिवसांआधी संजय राऊत यांची सुरक्षा काढण्यात आली आहे. ती सुरक्षा वाढवावी म्हणून संजय राऊत यांनी श्रीकांत शिंदे यांच्यावर आरोप केलेत. संजय राऊत तथ्यहीन वक्तव्य करत आहेत, असं शिंदेगटाचे नेते आणि मंत्री शंभूराज देसाई यांनी म्हटलं आहे. खासदार संजय राऊत यांनी उपमुख्यमंत्री आणि राज्याचे गृहमंत्री देवेंद्र फडणवीस आणि मुंबई पोलीस आयुक्तांना पत्र लिहिलं आहे. यात त्यांनी मुख्यमंत्री एकनाथ शिंदे यांचे चिरंजीव आणि खासदार डॉ. श्रीकांत शिंदे यांनी आपल्यावर हल्ल्याचा कट आखल्याचा संजय राऊत यांनी पत्रात दावा केला आहे.त्यावर शंभूराज देसाई यांनी टीका केली आहे.