348 तालुके संकटात; शेतकऱ्यांच्या प्रश्नावर शरद पवारांचा सरकारला इशारा, नेमकं काय म्हणाले?

राष्ट्रवादी काँग्रेस (शरदचंद्र पवार गट) अध्यक्ष शरद पवार यांनी राज्यातील शेतकऱ्यांच्या गंभीर स्थितीवर चिंता व्यक्त केली आहे. महाराष्ट्रातील ३४८ तालुके संकटात असून, पावसाअभावी आणि दुष्काळसदृश परिस्थितीमुळे शेतकऱ्यांचे जीवन उद्ध्वस्त होत असल्याचे ते म्हणाले. सरकारने तातडीने चारा छावण्या, आर्थिक मदत आणि अन्य आवश्यक निर्णय घेण्याची अपेक्षा त्यांनी व्यक्त केली. पवार यांनी नमूद केले की, राज्यातील अनेक भागांमध्ये, विशेषतः ५० टक्क्यांहून अधिक बाधित असलेल्या कऱ्हाड, फलटण, जायगाव यांसारख्या ठिकाणी अजूनही पुरेसे सर्वेक्षण किंवा मदत पोहोचलेली नाही.

गरीब, शेतमजूर, दलित, आदिवासी आणि छोटे व्यावसायिकही या संकटाचे बळी ठरत आहेत. या वंचित घटकांना सरकारने आधार देण्याची गरज आहे. जर सरकारने शेतकऱ्यांच्या प्रश्नांकडे दुर्लक्ष केले आणि तातडीने योग्य निर्णय घेतले नाहीत, तर राष्ट्रवादी काँग्रेस (शरदचंद्र पवार गट) रस्त्यावर उतरून संघर्ष करेल, असा इशारा शरद पवार यांनी दिला. शेतकऱ्यांचे प्रश्न सोडवण्यासाठी सरकारला भाग पाडू, असेही त्यांनी स्पष्ट केले.