Akhil Chitre : अंधेरीचा डोनाल्ड डक… सारखी पक पक…अखील चित्रे यांचा हल्लाबोल, थेट दिलं ओपन चॅलेंज

केंद्रीय विज्ञान आणि तंत्रज्ञान मंत्री जितेंद्र सिंग यांनी आयआयटी बॉम्बेचे नाव आयआयटी मुंबई झाले नाही म्हणून देवाचे आभार मानले. या विधानावर अखील चित्रे यांनी सडकून टीका केली. “भारतीय जनता पार्टीचा मुंबई महानगरपालिकेवर डोळा आहे. जितेंद्र सिंग हे त्याच पक्षाचे महाभाग आहेत. मुंबई महानगरपालिका ही बॉम्बे म्युनिसिपल कॉर्पोरेशन नाही. त्यांना मुंबई महानगरपालिकेवर सत्ता काबीज करायची आहे आणि मुंबई महाराष्ट्रातून तोडायची आहे,” असे चित्रे म्हणाले. जितेंद्र सिंग यांनी आपल्या मागासलेल्या राज्याच्या प्रगतीकडे लक्ष द्यावे आणि मुंबईबद्दल बोलू नये, असा सल्लाही त्यांनी दिला.

याच संदर्भात, भाजप नेते अमित साटम यांच्यावरही चित्रे यांनी निशाणा साधला. “अंधेरीचे डोनाल्ड डक, जे सतत पक पक करत असतात, त्यांनी आता उत्तर द्यावे,” असे चित्रे म्हणाले. महापौर पदावरून साटम यांच्याकडून होत असलेल्या सततच्या वक्तव्यांवर त्यांनी आक्षेप घेतला. मुंबईकरांनी आणि मराठी माणसाने भाजपचे मनसुबे लक्षात घ्यावे, असे आवाहन त्यांनी केले.