Bhaskar Jadhav : भास्कर जाधवांची ठाकरेंच्या सेनेवर नाराजी? निवृत्ती घेणार? जाहीर नाराजी, बघा काय व्यक्त केली खदखद

2019 मध्ये ठाकरेंच्या सरकारमध्ये भास्कर जाधवांना मंत्रीपद मिळालं नव्हतं. आठ वेळा आमदारकी मिळून देखील जाधव मंत्रीपदापासून मात्र वंचित राहिले. मंत्रीपद न मिळाल्याने भास्कर जाधव यांनी दुसऱ्यांदा उघडपणे नाराजी व्यक्त केली आहे. दुसरीकडे भास्कर जाधव यांनी राजकारणातून निवृत्त होण्याचा विचारही बोलून दाखवला आहे. ‘मला मंत्रीपद मिळायला पाहिजे होतं हे तेव्हाही बोललो आजही बोलतो उद्याही बोलेन. मंत्रीपद मिळालं नाही म्हणून मी रडत बसलो नाही. मंत्रीपद मिळालं नाही म्हणून जे कोणी फुटून गेले त्यांच्याबरोबर पण मी गेलो नाही. मी लढतोय’, असं म्हणत भास्कर जाधवांनी खदखद व्यक्त केली. तर पुढे भास्कर जाधव असेही म्हणाले, पवारांची साथ सोडली हा निर्णय चुकीचा होता असंही भास्कर जाधव म्हणाले. ‘शरद पवार साहेबांना मी साथ सोडली त्यामुळे मला काहीतरी चुकल्यासारखं वाटतंय असा अजिबात त्याचा अर्थ नाही आणि मी त्याच स्पष्टीकरण केलेलं आहे. मी ती निर्णय घेतला तो चुकीचा होता हे स्पष्टपणे मी बोललो काही लपून छपून काही बोलले नाही. पण याचा अर्थ मला त्याची आता खंत वाटत, असं अजिबात नाही