Special Report | कोकणवासियांयासाठी खुशखबर ! ‘गणेशभक्तांसाठी कोरोना चाचणीतही सूट’

गणेशोत्सवासाठी मुंबईहून कोकणात जाणाऱ्या चाकरमान्यांची संख्या लक्षावधी असते. या चाकरमान्यांसाठी एसटी महामंडळाकडून बसेसची व्यवस्था करण्यात आली आहे. तसंच रेल्वे मंत्रालयाकडून विशेष रेल्वे गाड्या देण्यात आल्या आहेत. बस आणि रेल्वेनं कोकणात जाणाऱ्या चाकरमान्यांसह आपल्या खासगी गाड्यांनी जाणाऱ्या चाकरमान्यांची संख्याही अधिक असते. अशा चाकरमान्यांसाठीही सरकारनं महत्वाची घोषणा केलीय. या चाकरमान्यांसाठी मुंबई, गोवा, पुणे महामार्गांवर टोल माफ करण्यात येणार आहे. तशी माहिती नगरविकास मंत्री एकनाथ शिंदे यांनी दिलीय. त्याचबरोबर कोकणात जाणाऱ्या चाकरमान्यांसाठी आरटीपीसीआर चाचणी बंधनकारक नसल्याचंही आमदार भास्कर जाधव यांनी म्हटलंय.