Prashant Jagtap : प्रशांत जगताप यांचा राष्ट्रवादी पुणे शहर अध्यक्षपदाचा राजीनामा अन् तातडीनं मुंबईला रवाना

प्रशांत जगताप यांनी शरद पवार यांच्या नेतृत्वाखालील राष्ट्रवादी काँग्रेसच्या पुणे शहर अध्यक्षपदाचा राजीनामा दिला आहे. दोन्ही राष्ट्रवादी काँग्रेस गट एकत्र येण्यास जगताप यांचा तीव्र विरोध असल्याने त्यांनी हा महत्त्वाचा निर्णय घेतला आहे. या राजीनाम्यामुळे राज्यातील राजकीय वर्तुळात खळबळ उडाली असून, पक्षाला मोठा धक्का बसल्याचे मानले जात आहे. राजीनामा दिल्यानंतर पक्षाकडून प्रशांत जगताप यांची मनधरणी करण्याचे प्रयत्न सुरू झाले आहेत. पक्षाच्या वरिष्ठ नेत्यांनी यावर तातडीने लक्ष दिले असून, खासदार सुप्रिया सुळे यांनी स्वतः प्रशांत जगताप यांना फोन केला आहे. सुळे यांनी जगताप यांना भेटण्यासाठी बोलावले असून, त्यानंतर जगताप तात्काळ मुंबईकडे रवाना झाले आहेत. पक्षाकडून त्यांची समजूत काढण्याचे जोरदार प्रयत्न सुरू असल्याचे वृत्त आहे.