दादांनी घेतलेले निर्णय दादांसोबत गेले! आता काय उरलं? सुप्रिया सुळे भावुक

खासदार सुप्रिया सुळे यांनी नुकत्याच झालेल्या पत्रकार परिषदेत पुणे जमीन व्यवहार, पार्थ पवार यांच्यावरील आरोप आणि अल्पसंख्याक विभागातील कथित घोटाळ्यावर आपली भूमिका स्पष्ट केली. पुणे जमीन व्यवहाराशी संबंधित अहवालावर बोलताना, जोपर्यंत अधिकृत अहवाल पाहिला जात नाही, तोपर्यंत त्यावर प्रतिक्रिया देणे योग्य नसल्याचे त्यांनी सांगितले. पार्थ पवार यांच्यावर विश्वास व्यक्त करताना, त्यांनी कुटुंबातील संस्कारांवर भर दिला.

अल्पसंख्याक विभागाने अजित पवार यांच्या निधनानंतर अल्पवधीतच 75 शैक्षणिक संस्थांना प्रमाणपत्रे जारी केल्याच्या प्रकरणावर सुप्रिया सुळे यांनी तीव्र प्रतिक्रिया दिली. मुख्यमंत्र्यांनी यावर स्थगिती आदेश दिल्याबद्दल त्यांनी समाधान व्यक्त केले. तसेच, या संपूर्ण प्रकरणाची पारदर्शक चौकशी व्हावी आणि दोषींवर कारवाई करावी अशी मागणी त्यांनी केली. महाराष्ट्राच्या प्रशासनावर सरकारचा वचक कमी होत असल्याबद्दल सुळे यांनी चिंता व्यक्त केली, ज्यामुळे राज्याची प्रतिमा मलिन होत असल्याचे म्हटले.