बेकायदा फेरीवाल्यांना नोटीस का पाठवता? थेट कारवाई करा,मुंबई हायकोर्टाचे स्पष्ट आदेश

Mumbai High Court : मुंबईमधील बेकायदा फेरीवाल्यांना नोटीस का पाठवता? थेट त्यांच्यावर कारवाई करा असा आदेश मुंबई हायकोर्टाने मुंबई महापालिकेला दिला आहे. बेकायदा फेरीवाल्यांना कारवाईची पूर्वकल्पना म्हणून नोटीस देण्याची गरज नाही. सार्वजनिक जागेवर विनापरवाना व्यवसाय करण्याचा कोणताही हक्क नाही असे स्पष्ट आदेश हायकोर्टाने दिले आहेत. एका प्रकरणावरील सुनावणीदरम्यान हायकोर्टाने हे आदेश दिले आहेत. त्याच बरोबर पोलिसांची मदत घेऊन बेकायदा फेरीवाल्यांविरोधात कारवाईची धडक मोहीम राबवा असे देखील निर्देश हायकोर्टाने मुंबई महापालिकेला दिले आहेत .