“तुमच्या राजवटीत हिंदू खतरे में असेल तर…”, सामनातून शिंदे गट आणि भाजपवर टीकास्त्र

मुंबई : आज सामनातून पुन्हा एकदा शिंदेंच्या शिवसेनेवर आणि भाजपवर निशाणा साधण्यात आला आहे. “तुमच्या राजवटीत हिंदू खतरे में असेल तर तुम्ही सत्ता चालवायला नालायक आहात!” या शीर्षकाखाली सामनातून शिवसेनेवर आणि भाजपवर टीका करण्यात आली आहे. “विश्वगुरू इतका ताकदवान नेता सत्तेत बसल्यानंतरही काश्मीरपासून कन्याकुमारीपर्यंत ‘हिंदू खतरे में’ असेल, तर तुम्ही सत्ता चालवायला नालायक आहात, असा घणाघात करत ठाकरे गटाचे पक्षप्रमुख उद्धव ठाकरे यांनी आज भाजपवर दांडपट्टय़ाचे वळ उमटवले. शिवसेनेचा ५७ वा वर्धापन दिन… दणदणीत, सणसणीत आणि खणखणीत झाला. येथे निष्ठावंत, कडवट शिवसैनिकांची गर्दी उसळली आहे आणि तिकडे वसुलीबाज गारदी जमले आहेत, असा आसूड ओढत शिवसेनेतून कुणीतरी गेलं म्हणून शिवसेनेला धक्का वगैरे बसत नाही. शिवसेना धक्काप्रूफ आहे, असा उल्लेख सामनातून करण्यात आला आहे.