Thane : 3 टर्म नगरसेवक अन् मतदार यादीतून नावच गायब! ठाकरे सेनेच्या माजी नगरसेवकासोबत काय घडलं?

ठाण्यातूनही मतदार यादीतील गोंधळाची बातमी आहे. ठाकरे गटाचे माजी नगरसेवक आणि उत्तम नगरसेवक म्हणून परिचित असलेले सुधीर भगत यांचे नाव मतदार यादीतून वगळण्यात आले आहे. सुधीर भगत यांनी प्रशासनावर गंभीर आरोप करत, त्यांच्याच नावाच्या पण अलिबाग येथे राहणाऱ्या व्यक्तीच्या नावाने फॉर्म सात भरून आपले नाव वगळण्यात आल्याचे म्हटले. मतदानाचा अधिकार काढून घेण्याचा अधिकार कोणालाही नसल्याचे सांगत त्यांनी नाव पूर्ववत करण्याची मागणी केली आहे.

दरम्यान, मुंबई महापालिकेतील प्रारूप मतदार याद्यांवरून राजकीय आरोप-प्रत्यारोप सुरू झाले आहेत. आदित्य ठाकरेंनी मतदार यादीत घोळ करून मुंबई जिंकण्याचा प्रयत्न केल्याचा आरोप केला आहे. मतदार याद्यांमध्ये ‘चोरी’ केली जात असून, शहरांना लुटण्याचा हा प्रयत्न असल्याचा दावा त्यांनी केला. यावर भाजपने आदित्य ठाकरेंना प्रत्युत्तर दिले.