आधारला पॅन लिंक करण्याचा आज शेवटचा दिवस

आर्थिक गैरव्यवहारांना आळा घालण्यासाठी इनकम टॅक्स विभागाने 31 मार्चपर्यंत पॅन कार्ड आणि आधार कार्ड (PAN-Aadhaar link) लिंकिंग सक्तीचे केले आहे. तुम्ही जर तुमचे पॅनकार्ड 31 मार्चपर्यंत आधार कार्डला लिंक केले नाही तर तुम्हाला 31 मार्चनंतर देखील आधार आणि पॅन कार्ड लिंकिंगसाठी संधी मिळणार आहे. मात्र त्यासाठी तुम्हाला दंड (PAN-Aadhar non link Penalty) भरावा लागणार आहे. आयकर विभागाने दिलेल्या माहितीनुसार तुम्ही जर 30 जून 2022 पर्यंत आधार कार्डला पॅन कार्ड लिंक केले तर तुमच्याकडून 500 रुपयांचा दंड आकारण्यात येणार आहे. तुम्ही जर 30 जून 2022 नंतर पॅन कार्डला आधार लिंक केले तर मात्र तुम्हाला एक हजारांचा दंड भरावा लागणार आहे. आयकर विभागाकडून प्राप्त माहितीनुसार तुम्ही जर 31 मार्चपर्यंत पॅन कार्डला आधार लिंक न केल्यास तुमचे पॅन बंद (Inactive PAN) होणार नाही, मात्र तुमच्याकडून दंड वसूल केला जाणार आहे.