पुन्हा 14 जून! सुशांतने जीवन संपवलं त्याच दिवशी संचिता गेली… भावानेच केला धक्कादायक खुलासा

टीव्ही अभिनेत्री संचिता उगले हिने अवघ्या 30 व्या वर्षी टोकाचं पाऊल उचलं. यामुळे मनोरंजन विश्वात मोठी खळबळ उडाली आहे. तिच्या निधनाने कुटुंबीयांसह चाहत्यांनाही मोठा धक्का बसला आहे. या प्रकरणात आता अभिनेत्रीच्या चुलत भावाने महत्त्वाची माहिती समोर आणली आहे.

संचिताचा चुलत भाऊ आकाश उगले याने पत्रकारांशी बोलताना सांगितले की, तिच्यावर इंडस्ट्रीतील मोठ्या लोकांचा कोणताही दबाव नव्हता. मात्र, तिच्या दुसऱ्या Instagram अकाउंटवर अभिनेता सुशांत सिंग राजपूत याचे अनेक व्हिडिओ होते. त्यातील एका व्हिडिओमध्ये “पुन्हा 14 जून आला आहे” असे लिहिले होते.

विशेष म्हणजे, सुशांत सिंग राजपूत याने 14 जून 2020 रोजी आत्महत्या केली होती, तर संचितानेही 14 जून 2026 रोजी टोकाचे पाऊल उचलले. त्यामुळे या दोन्ही घटनांमध्ये साम्य असल्याचे बोलले जात आहे.

आकाश उगले याने सांगितले की, सामान्य कुटुंबातील कलाकारांना इंडस्ट्रीमध्ये टिकून राहण्यासाठी अनेक अडचणींचा सामना करावा लागतो. हे सांगताना तो भावूक झाल्याचेही पाहायला मिळाले.