Satara Drug Case : पुढचा राजीनामा एकनाथ शिंदे यांचा… उद्धव ठाकरे यांच्या सनसनाटी दाव्यानं खळबळ

माणिकराव कोकाटेंच्या राजीनाम्यानंतर, उद्धव ठाकरे यांनी उपमुख्यमंत्री एकनाथ शिंदे यांच्या पुढील राजीनाम्याचा दावा केला आहे. साताऱ्यातील ड्रग्ज प्रकरणावरून शिंदे यांच्यावर राजीनाम्याची वेळ येईल, असे ठाकरे यांनी म्हटले आहे. या प्रकरणात एकनाथ शिंदे यांचे बंधू प्रकाश शिंदे यांचे नाव जोडले जात आहे. मुख्यमंत्री देवेंद्र फडणवीस यांनी मात्र एकनाथ शिंदे आणि त्यांच्या कुटुंबीयांवरील आरोप राजकीय असल्याचे सांगत त्यांना क्लीन चिट दिली आहे. यावर ठाकरे गटाच्या नेत्या सुषमा अंधारे यांनी फडणवीस तपास यंत्रणांना प्रभावित करत असल्याचा आरोप केला आहे. अंधारे यांनी प्रकाश शिंदे यांची चौकशी पूर्ण होईपर्यंत एकनाथ शिंदेंनी पदापासून दूर राहावे अशी मागणी केली आहे.