Uddhav Thackeray Group : बाप, औकात अन् ओम फट स्वाहा, मुंबईतील ‘त्या’ बॅनरनं राजकीय वर्तुळात खळबळ

मुंबईत उद्धव ठाकरे गटाच्या कार्यकर्त्यांनी एका आक्रमक बॅनरद्वारे राजकीय वर्तुळात लक्ष वेधून घेतले आहे. या बॅनरवर “ठाकरे ब्रँड” आणि “ठाकरे म्हणजेच महाराष्ट्र” असा मजकूर होता. यासोबतच, “महाराष्ट्रातील लांडग्यांनो, लाचारांनो, गद्दारांनो लाज वाटते तुमची ओम भट स्वाहा…” असा तीव्र संदेशही लिहिलेला होता. बॅनर घेऊन आलेल्या एका कार्यकर्त्याने, “ठाकरे गट वर तुमची बोलण्याची औकात नाही, तुमच्या बापाला पाठवा,” असे आव्हान दिले.

यावेळी उपस्थित एका निष्ठावंत शिवसैनिकाने माध्यमांशी बोलताना सांगितले की, “महाराष्ट्र म्हणजेच ठाकरे आणि ठाकरे म्हणजेच शिवसेना.” त्यांनी उद्धव ठाकरे गटातून फुटून गेलेल्यांना चोरलेली शिवसेना आणि चोरलेले चिन्ह घेऊन निवडणूक लढवल्याबद्दल फटकारले. त्यांनी विरोधकांना त्यांच्या वडिलांच्या नावावर मते मागण्याचे आव्हान दिले. गुवाहाटीला पळून गेल्याचा संदर्भ देत, मुंबई महानगरपालिकेच्या निवडणुकीतही त्यांना पळवून लावण्याचा निर्धार या शिवसैनिकाने व्यक्त केला. या बॅनरवरील मजकूर आणि शिवसैनिकांच्या आक्रमक भूमिकेने सध्या राजकीय चर्चांना उधाण आले आहे.