Sangali : जयंत पाटलांच्या राजारामबापू कारखान्याचे नाव अर्ध्या रात्रीत कुणी बदललं? जत तालुक्यात एकच खळबळ

सांगली जिल्ह्यातील जत तालुक्यातून एक धक्कादायक बातमी समोर आली आहे. राष्ट्रवादी काँग्रेसचे नेते जयंत पाटील यांच्या संस्थेशी संबंधित राजारामबापू पाटील सहकारी साखर कारखान्याचे नाव रात्रीच्या सुमारास अज्ञातांनी बदलले आहे. कारखान्याच्या फलकावर राजे विजयसिंह डफळे साखर कारखाना असे नवीन नाव लिहिण्यात आले आहे. या घटनेमुळे संपूर्ण जत तालुक्यात आणि सांगली जिल्ह्यात मोठी खळबळ उडाली आहे.

हा कारखाना २०१२ साली जयंत पाटील यांच्या कारखान्याकडून विकत घेण्यात आला होता. सध्या कारखान्यावर जुने नाव राजारामबापू पाटील सहकारी साखर कारखाना असे असले तरी, आता नवीन नावाचा फलक लावण्यात आला आहे. अज्ञातांकडून झालेल्या या नामकरणामागे नेमका काय उद्देश आहे, याचा शोध घेतला जात आहे. या प्रकारामुळे स्थानिक प्रशासनासह राजकीय वर्तुळातही तीव्र प्रतिक्रिया उमटत आहेत.