Iran–Israel war | इराणवर अमेरिका-इस्त्रायलचा मोठा हल्ला; इस्रायलमध्ये आणीबाणी, भारतीय नागरिकांसाठी सतर्कतेचा इशारा
इस्त्रायलने इराणच्या अनेक भागांवर हल्ले केले आहेत. इराणने “युद्ध तुम्ही सुरु केलं, युद्ध आम्ही संपवणार” असा इशारा दिला आहे. ह्या हल्ल्याचे ऑपरेशन “शिल्ड ऑफ जुदा” असे नाव आहे. इस्रायलमध्ये खबरदारी म्हणून थेट आणीबाणी जाहीर करण्यात आली आहे. भारतानेही दोन्ही देशांमधील भारतीय नागरिकांसाठी चेतावणी जारी केली आहे. तेहरानमधील भारतीय दूतावासाने इराणमध्ये राहणाऱ्या नागरिकांना सतर्क राहण्याचे आवाहन केले आहे.
गेल्या काही दिवसांपासून अमेरिका आणि इराण यांच्यात तणाव वाढत होता. याचा परिणाम म्हणून इराणवर अमेरिका आणि इस्त्रायल मिळून मोठा हल्ला केला आहे. यामुळे जागतिक स्तरावर मोठी खळबळ उडाली आहे. इस्त्रायलने इराणच्या अनेक भागांवर हल्ले केले आहेत. इराणने “युद्ध तुम्ही सुरु केलं, युद्ध आम्ही संपवणार” असा इशारा दिला आहे. ह्या हल्ल्याचे ऑपरेशन “शिल्ड ऑफ जुदा” असे नाव आहे.
इस्रायलमध्ये खबरदारी म्हणून थेट आणीबाणी जाहीर करण्यात आली आहे. नागरिकांना सुरक्षित ठिकाणी राहण्याचे आवाहन करण्यात आले आहे. युद्ध महाभयंकर स्वरूप घेऊ शकते म्हणून जगभरातील देश सावध झाले आहेत. भारतानेही दोन्ही देशांमधील भारतीय नागरिकांसाठी चेतावणी जारी केली आहे. तेहरानमधील भारतीय दूतावासाने इराणमध्ये राहणाऱ्या नागरिकांना सतर्क राहण्याचे आवाहन केले आहे. कामाशिवाय बाहेर पडू नका, शक्यतो घराबाहेर जाणे टाळा, बातम्यांवर लक्ष ठेवा आणि पुढील सूचना मिळण्याची वाट पाहा, असे सांगण्यात आले आहे. तसेच, भारतीय नागरिकांसाठी हेल्पलाइन नंबरही जारी करण्यात आला आहे, ज्यावर तातडीने संपर्क साधता येईल.
