Vaishnavi Hagawane : हगवणेंचा आणखी एक प्रताप, वैष्णवीचा नवरा शशांक हगवणेच्या अडचणी वाढणार अन् सासूवर…

हगवणे कुटुंबातील आणखी एक मोठं प्रकरण समोर आलं आहे. यामुळे हगवणे कुटुंबातील वैष्णवीचा पती आणि सासू यांचा पाय आणखी खोलात जाण्याची चर्चा आहे. वैष्णवी हगवणेचा पती शशांक हगवणे याच्या अडचणीत आणखी वाढ झाली असून त्याच्यासह वैष्णवीची सासू लता हगवणे हिच्यावर फसवणुकीचा आरोप करण्यात येत आहे. शशांकने जेसीबी व्यवहारात 11 लाख 70 रूपयांची फसवणूक केल्याचा आरोप होतोय. प्रशांत येळवंडे यांनी हा गंभीर आरोप शंशाक हगवणेवर केलाय. बंदुकीचा धाक दाखवून धमकावल्याचाही आरोप यावेळी शशांकवर करण्यात आला आहे.

या प्रकरणात आता महाळुंगे चाकण इथं गुन्हा दाखल करण्याची प्रक्रिया सुरू आहे. तर वैष्णवी मृत्यू प्रकरणात वैष्णवीचा पती शशांक हगवणे, दीर सुशील हगवणे, सासरा राजेंद्र हगवणे, सासू लता हगवणे आणि नणंद करिष्मा हगवणे यांना अटक केली असून वैष्णवीचा पती, सासू आणि नणंदेची पोलीस कोठडी संपल्यानंतर कोर्टानं त्यांना आता 14 दिवसांची न्यायालयीन कोठडी सुनावली आहे. तर वैष्णवीचा सासरा आणि दीर पोलीस कोठडीत असून 31 मे पर्यंत त्यांच्या कोठडीत वाढ करण्यात आली आहे.