‘हे हिंदूत्ववादी केव्हा झाले?’; संजय राऊतांचा राज ठाकरेंना सवाल

आज पुण्यात मनसे अध्यक्ष राज ठाकरे (Raj Thackeray) यांनी वादळी सभा घेत मुख्यमंत्र्यांपासून (Cm Uddhav Thackeray) ते शरद पवारांपर्यंत (Sharad Pawar) पुन्हा सर्वांचा समाचार घेतला. तसेच हिंदुत्वावरूनही त्यांनी पुन्हा शिवसेनेला टार्गेट केले. मात्र आता त्यावर शिवसेना नेते जोरदार पलटवार करत आहेत. तसेच अयोध्या दौऱ्यावरून शिवसेना खासदार संजय राऊत यांनी पुन्हा राज यांना डिवचलं आहे. राज ठाकरे यांचा अयोध्या दौरा हा भाजप पुरस्कृत होता. उत्तर प्रदेशातही भाजपचे सरकार आहे. त्यांना अयोध्येत जाण्यापासून कुणी अडवलं? कोण त्यांच्यावर केसेस करणार असा प्रतिसवाल त्यांनी राज ठाकरे यांना केला आहे.