हुल्लडबाजी जीवावर बेतणार? तलाव परिसरात भर पाण्यात उतरले तरूण अन्…. बघा व्हिडीओ

बीड जिल्ह्यातील परळीच्या चांदापूर तलाव परिसरात तरूणांची हुल्लडबाडी पाहायला मिळत आहे. एकीकडे गेल्या दोन दिवसांपासून सुरू असलेल्या पावसामुळे परळी तालुक्यातील पाण्याचा प्रश्न मार्गी लागला आहे. मात्र मुसळधार पावसामुळे पाणी प्रकल्पावर हौशी तरुण मंडळींची हुल्लडबाजी देखील पाहायला मिळत आहे. दरम्यान, ही हुल्लडबाजी या तरूणावर बेतण्याची शक्यता आहे. बीड जिल्ह्यात होत असलेल्या मुसळधा पावसामुळे परळीतील नदी, नाले, तलाव ओसंडून वाहताय. परळी तालुक्यात काल सायंकाळपासून दमदार सुरू असलेल्या पावसाने प्रमुख पाणी प्रकल्प ओसंडून वाहत आहे. नागापूर येथील वाण धरण, बोरणा मध्यम प्रकल्प आणि चांदापूर येथील तलाव ओसंडून वाहत आहे. त्यामुळे परळीकरांचा पाण्याचा प्रश्न मिटलाय. मागील आठवडाभरापासून पावसाने विश्रांती घेतली होती. त्यानंतर दोन दिवसांपासून सुरू असलेल्या या पावसाने मुख्य पाणीपुरवठा करणारे प्रकल्प ओसंडून वाहत आहे.