लाँचिंगआधीच पाहा 2022 Mahindra Scorpio चं इंटीरियर, शानदार फीचर्ससह SUV सज्ज

2022 Mahindra Scorpio Facelift (Image Credit : Praveen Rana Vlogs)

मुंबई : महिंद्रा आणि महिंद्रा (Mahindra And Mahindra) कंपनीची 2022 महिंद्रा स्कॉर्पिओ फेसलिफ्ट (Mahindra Scorpio Facelift) SUV चं भारतीय रस्त्यांवरील कव्हरसह टेस्टिंग सुरु आहे. 2022 स्कॉर्पिओचं एक्सटीरियर याआधी अनेकदा लीक्ड फोटोच्या माध्यमातून पाहायला मिळाले आहे. मात्र आता कारचं एक्सटीरियर पाहायला मिळालं आहे. पहिल्यांदाच या फेसलिफ्टेड एसयूव्हीच्या आतील भागाची झलक स्पष्टपणे समोर आली आहे. नवीन स्कॉर्पिओ काय ऑफर करेल याची माहिती घेण्यासाठी 2022 स्कॉर्पिओचे टेस्टिंग युनिट एका व्लॉगरने पाहिले. या थ्री-रो एसयूव्ही (SUV) मध्ये केवळ पुढच्या बाजूला सीट्स असतील. टेस्टिंग मॉडेल्समधील सीट्स चामड्याने बांधलेल्या आहेत. दुसऱ्या रांगेतील प्रवाशांना समोरच्या प्रवाशांसाठी आर्मरेस्टच्या मागे एसी व्हेंट्स असतील.

2022 Scorpio SUV च्या डॅशबोर्डमध्ये एक मोठे इन्फोटेनमेंट युनिट असेल, जे टचस्क्रीन युनिट असण्याची शक्यता आहे. इन्फोटेनमेंट युनिटच्या पुढील बाजूस वर्टीकल ओरिएंटेड एसी व्हेंट्स आहेत. क्लायमेट कंट्रोल आणि इतर गोष्टींसाठी सेंटर कन्सोलवर फिजिकल बटणे असतील. ड्रायव्हर डिस्प्ले देखील एक डिजिटल युनिट असेल तर विविध कंट्रोल्स स्टीयरिंग व्हीलवर माउंट केले जातील.

सनरूफसह अनेक कमालीचे फीचर्स मिळणार

1. 2022 स्कॉर्पिओ फेसलिफ्ट SUV चे पूर्वीचे स्पाय शॉट्स सूचित करतात की ही कार सनरूफ आणि इलेक्ट्रिकली अॅडजस्टेबल फ्रंट सीट सारख्या फीचर्ससह ऑफर केली जाईल.
2. नवीन जनरेशन स्कॉर्पिओ एसयूव्हीच्या बाह्यभागात अनेक बदल होणार आहेत. यामध्ये नवीन महिंद्रा लोगोसह पुन्हा डिझाइन केलेल्या ग्रिलचा समावेश असेल जो कार निर्मात्या कंपनीने गेल्या वर्षी फ्लॅगशिप XUV700 SUV लाँच करताना सादर केला होता. इतर बदलांमध्ये एलईडी हेडलॅम्प, एलईडी डीआरएल आणि एलईडी टेललाइट्सचा समावेश आहे.
3. 2022 महिंद्रा स्कॉर्पिओ कार निर्मात्या कंपनीच्या नवीन लॅडर-ऑन-फ्रेम प्लॅटफॉर्मवर आधारित असेल. महिंद्राची थार याच प्लॅटफॉर्मवर आधारित आहे. इतर ट्रिम्स व्यतिरिक्त, न्यू जनरेशन स्कॉर्पिओ देखील लॉन्च झाल्यावर फोर-व्हील ड्राइव्ह पर्यायासह येईल अशी अपेक्षा आहे.

नवीन स्कॉर्पियोचं इंजिन आणि पॉवर

Mahindra पेट्रोल आणि डिझेल या दोन्ही पर्यायांसह 2022 Scorpio SUV ऑफर करण्याची शक्यता आहे. 2.0-लिटर टर्बोचार्ज्ड पेट्रोल इंजिन, जे थार एसयूव्हीला देखील पॉवर देते, ते स्कॉर्पिओसाठी देखील वापरले जाण्याची शक्यता आहे. इंजिन 130 Bhp मॅक्सिमम पॉवर आणि 320 Nm पीक टॉर्क जनरेट करू शकते. हे इंजिन 6-स्पीड मॅन्युअल आणि ऑटोमॅटिक ट्रान्समिशनसह येण्याची अपेक्षा आहे. डिझेल युनिट्ससाठी, महिंद्रा नवीन स्कॉर्पिओमध्ये 2.2-लिटर mHawk डिझेल इंजिन वापरण्याची शक्यता आहे. मॅन्युअल आणि ऑटोमॅटिक ट्रान्समिशनसह, इंजिन 138 Bhp मॅक्सिमम आउटपुट आणि 320 Nm चे पीक टॉर्क जनरेट करू शकते.

इतर बातम्या

आता इलेक्ट्रिक गाड्यांमधल्या बॅटरी रिसायकल होणार, Ford आणि Volvo ने सुरु केली स्टार्टअप कंपनी

कार खरेदीसाठी बँका किती टक्के व्याजदराने कर्ज देतायत? लोन व प्रक्रियेबद्दल ‘या’ गोष्टी अवश्‍य जाणून घ्या

BMW ची इलेक्ट्रिक Mini Cooper SE भारतात लाँचिंगसाठी सज्ज, कशी असेल नवीन EV?