4×4 SUV हव्या असतील तर ‘ही’ 5 वाहने तुमच्या बजेटची, जाणून घ्या
कार खरेदी करण्याचा विचार आहे का? असं असेल तर ही बातमी नक्की वाचा. तुम्ही स्वतःसाठी 20 लाख रुपयांपर्यंतच्या रेंजमध्ये 4×4 ऑल-व्हील ड्राइव्ह एसयूव्ही शोधत असाल तर आज आम्ही तुम्हाला या बजेटमध्ये अशा 5 एसयूव्हीबद्दल सांगणार आहोत, ज्या केवळ त्यांच्या कूल लूक आणि फीचर्ससाठी ओळखल्या जात नाहीत तर त्यांची ऑफ-रोडिंग क्षमता देखील आश्चर्यकारक आहे.
4×4 SUV शोधत असाल तर ही बातमी नक्की वाचा. भारतातील एसयूव्ही प्रेमींमध्ये ऑफ-रोडिंगची क्रेझ झपाट्याने वाढत आहे आणि अशा परिस्थितीत अनेक कंपन्यांनी 4-व्हील ड्राइव्ह क्षमता असलेल्या 4×4 एसयूव्हीदेखील लाँच केल्या आहेत. एकीकडे मारुती सुझुकी जिम्नी सर्वात स्वस्त आहे, तर दुसरीकडे सर्वांची आवडती महिंद्रा थार आहे.
महिंद्राची स्कॉर्पिओ-एन एसयूव्ही भरपूर विकली जाते. जर तुम्हालाही स्वतःसाठी ऑल व्हील ड्राइव्हने सुसज्ज चांगली एसयूव्ही खरेदी करायची असेल आणि खिशात 20 लाख रुपयांचे बजेट असेल तर आज आम्ही तुम्हाला अशाच 5 एसयूव्हीबद्दल सांगणार आहोत, ज्यात चांगले फीचर्स देखील आहेत आणि त्यांची क्षमताही आश्चर्यकारक आहे.
महिंद्रा स्कॉर्पिओ-एन
तुम्ही 20 लाख रुपयांपर्यंतच्या किंमतीत 4×4 एसयूव्ही खरेदी करू इच्छित आहेत, त्यांच्यासाठी महिंद्रा स्कॉर्पिओ-एनचा झेड 4 (ई) डिझेल एमटी 4 डब्ल्यूडी व्हेरिएंट देखील आहे आणि त्याची एक्स-शोरूम किंमत 18.35 लाख रुपये आहे.
मारुती सुझुकी जिम्नी
मारुती सुझुकीच्या नेक्सा शोरूममध्ये विकली जाणारी मारुती सुझुकी जिम्नी ही भारतातील सर्वात स्वस्त 4×4 एसयूव्ही आहे. जिम्नी झेटा, अल्फा आणि अल्फा ड्युअल टोन ट्रिम्समध्ये सहा व्हेरियंटमध्ये उपलब्ध आहे, ज्याची एक्स-शोरूम किंमत 12.76 लाख रुपयांपासून 14.96 लाख रुपयांपर्यंत सुरू होते. 1462 सीसीपेट्रोल इंजिन आणि मॅन्युअल तसेच ऑटोमॅटिक ट्रान्समिशन पर्याय असलेल्या या कॉम्पॅक्ट ऑफ-रोड एसयूव्हीचे मायलेज 16.94 किमी/लीटर पर्यंत आहे.
महिंद्रा थार रॉक्स
महिंद्रा अँड महिंद्राची 5 डोर थार रॉक्स सध्या बाजारात धुमाकूळ घालत आहे. 20 लाख रुपयांच्या रेंजमध्ये तुम्हाला थार रॉक्सचे एमएक्स 5 डिझेल एमटी 4 डब्ल्यूडी व्हेरिएंट मिळेल आणि त्याची एक्स शोरूम किंमत 19.39 लाख रुपये आहे.
फोर्स गोरखा
फोर्स मोटरची फोर्स गोरखा ही खऱ्या अर्थाने 4×4 एसयूव्ही असून 20 लाख रुपयांपर्यंतच्या किंमतीतील दोन व्हेरियंट खरेदी करता येतील, ज्यात 3-डोर एमटी व्हेरिएंटची एक्स-शोरूम किंमत 16.75 लाख रुपये आणि 5-डोर एमटी व्हेरियंटची किंमत 18 लाख रुपये आहे.
महिंद्रा थार
महिंद्रा अँड महिंद्राची सर्वात लोकप्रिय एसयूव्ही थार 20 लाख रुपयांच्या अनेक ऑल-व्हील-ड्राइव्ह व्हेरिएंटमध्ये उपलब्ध आहे, ज्यात एलएक्स पेट्रोल एमटी ची किंमत 15.20 लाख रुपये, एलएक्स डिझेल एमटीची किंमत 16.12 लाख रुपये, एलएक्स पेट्रोल एटीची किंमत 16.80 लाख रुपये आणि एलएक्स डिझेल एटीची किंमत 17.62 लाख रुपये आहे.
